Aqtóbeniń shalǵaı aýdanynda mektep-gımnazııanyń úsh tárbıelenýshisi izdestirilip jatyr
AQTÓBE. QazAqparat - Aqtóbe oblysy, Yrǵyz aýdanynda mektep-ınternattyń úsh tárbıelenýshisi joǵalyp ketti. Qazir izdeý jumysy júrgizilip jatyr, dep habarlaıdy QazAqparat tilshisi.
Aqtóbeniń Yrǵyz aýdanynda turǵyndar úsh balany izdeýge jumyldyryldy. Bul aqparatty aýdandyq bilim bóliminiń basshysy Bahraman Amanjol rastady.
«Qazir qandaı da bir aqparat bere almaımyn. Úsh bala keshkilik dalaǵa oıynǵa shyǵyp, qaıta oralmaǵan. Olardy aýdan turǵyndary kórgen. Biz jaqyn mańda júr dep topshalap otyrmyz. Іzdeýge 25 kólik, shamamen 60 adam jumyldyryldy»,- dedi aýdandyq bilim bóliminiń basshysy Bahraman Amanjol.
Aıtyp óteıik, joǵalyp ketken balalardyń kishisi 7 jasta bolsa, úlkeni 10-da.
