Aqtóbeniń ortalyq saıabaǵynda qulaǵan shyrsha qaıta ornatylady
AQTÓBE. QazAqparat - Aqtóbede Tuńǵysh Prezıdent atyndaǵy ortalyq demalys jáne mádenıet saıabaǵynda turǵan shyrsha qulady. Alaıda metall qańqalar dánekerlenip, shyrsha qaıta ornatylady, dep habarlaıdy QazAqparat tilshisi.
Aqtóbe qalasyndaǵy Jańa jyldyq keshter men mádenı sharalar ótetin orynda shyrsha joq. Túnde qatty jeldiń saldarynan shaıqalyp, jasandy shyrshanyń temir qańqasy synyp ketken. Qalalyq ákimdik bul jumysty basqarýshy kompanııaǵa tapsyrdy.
«Shyrshanyń uzyndyǵy - 18 metr. Ortalyq saıabaqtaǵy shyrshany qaıta qalpyna keltirý úshin 2-3 kún qajet. Qazir dánekerleý jumystary júrip jatyr. Keıin bári qalpyna keltirilip, shamdary jaǵylady»,- dedi Aqtóbe qalalyq turǵyn úı-kommýnaldyq sharýashylyǵy bóliminiń sektor meńgerýshisi Hasen ıÝsýpov.
Aıta keteıik, 30 jeltoqsan kúni saıabaqta Aıaz ata men Aqshaqarlar baıqaýy ótedi. Sonymen qatar, munda muz músinder jasalyp jatyr. Al 31 jeltoqsanda túni boıy merekelik qoıylym, mýzykalyq shoý ótip, jańa jyldyq quttyqtaýlar aıtylady dep josparlanǵan.
