Aqtóbeniń qıyrshyq tas shyǵaratyn zaýyt jumysshylary jalaqysyn áli ala almaı júr
AQTÓBE. QazAqparat – Shalqar aýdanynyń Bershúgir aýylyndaǵy qıyrshyq tas shyǵaratyn zaýyt jumysshylary jalaqysyn áli ala almaı júr. Investordyń jumsyshylarǵa bereshegi 44 mıllıon teńge, dep habarlaıdy QazAqparat tilshisi.
2019 jyldyń aqpan aıynda jumysshylar narazylyq tanytyp, oblys ákimdiginen kómek suraǵan bolatyn. Sol kezde oblys ákiminiń orynbasary Qaırat Bekenov egen ınvestor óz mindetin tolyq oryndamasa kelisimshartty úzetinin málimdegen bolatyn.
Arada alty aı ótkenimen «Jańatas-Aqtóbe» JShS-nyń jumysshylar aldyndaǵy qaryzy ótelmedi.
«Jospardan tys jeti tekserý jumysy júrgizilip, anyqtalǵan zań buzýshylyqtardy joıý úshin nusqaý berildi. Jumys berýshilerge qatysty ákimshilik is qozǵalyp, 2,4 mln teńgege aıyppul salyndy. Júrgizilgen jumystyń nátıjesinde 64 qyzmetkerge 6,4 mln teńge tólendi. Búgingi kúni kásiporynnyń 100 qyzmetker aldyndaǵy jalaqy qaryzy 44 mln teńgeni quraıdy. Jer qoınaýyn paıdalaný quqyǵy «Jańatas-Aqtóbe» JShS-nan «Temir Tas 2017» JShS-na aýysqan. «Temir Tas 2017» JShS-na osy jyldyń 21 qyrkúıegine deıin «Jańatas-Aqtóbe» JShS-nyń qyzmetkerleri aldyndaǵy qaryzyn óteý mindetteldi», - dep habarlady óńirlik kommýnıkatsııalar qyzmeti.
