Aqtóbeniń bas polıtseıi bastaǵan top 25 lıtr qan tapsyrdy
Aqtóbegi oblystyq qan ortalyǵynda búgin uzynsonar kezek boldy. Polıtsııa qyzmetkerlerin oblystyq ІІD-niń bastyǵy Mahambet Abısatov bastap kelip, qan tapsyrdy. Basshylyq pen qarapaıym qyzmetkerler mundaı aktsııany jyl saıyn ótkizip, uıymdastyryp turady. Polıtsııa qyzmetkerleri aldymen arnaıy saýalnama qaǵazyn tolyryp, qyzmetkerler dárigerlerdiń tekserýinen ótti. Birneshe satydan soń polıtsııa qyzmetkerleriniń árqaısysy qan ortalyǵynyń qoryn toltyrdy.
«Bul - óte jaqsy is. Qan tapsyrý týraly aıtylǵan kezde óz erkimmen kelip, tapsyrdym. Óz qan tobymdy bilemin jáne men tapsyrǵan qan muqtaj adamdarǵa quıylyp, kómektesse qýanamyn»,- dedi kámeletke tolmaǵandardyń isi jónindegi ınspektor Nazıra Kakmatıeva.
Polıtsııa salasyndaǵy jas mamandar alǵash ret qan tapsyrdy.
«Alǵash ret qan ortalyǵyna kelip, azamattyq boryshymdy ótedim. Biz kún saıyn adamdarmen aralasyp, qıyn kezde kómekke baramyz. Bul joly da qol ushyn berip, densaýlyǵy syr bergen adamdarǵa qamqorlyq tanytqymyz keldi. Qan tapsyrý týraly aıtylǵanda birden qoldap, kelisimimdi berdim»,- dedi polıtsııa qyzmetkeri Jasulan Qalıev.