Aqtóbeniń bas memlekettik sanıtar dárigeri turǵyndarǵa úndeý jasady
AQTÓBE. QazAqparat - Aqtóbe oblystyq sanıtarııalyq-epıdemıologııalyq baqylaý departamentiniń basshysy Nursulý Berkimbaeva turǵyndardy saq bolýǵa shaqyrdy, dep habarlaıdy QazAqparat tilshisi.
Aqtóbe oblysy 22-naýryz kúni «sary» aımaqqa kirdi. Ótken táýlikte taǵy 62 adam koronavırýs juqtyrǵan. Kóbi Aqtóbe qalasynyń turǵyny. Sonymen birge Mártók, Oıyl aýdandarynda da derttiń sımptomdy túrine shaldyqqandar anyqtaldy.
«Qazirgi tańda úı karantıninde 941 adam jatyr. Olarǵa medıtsınalyq baqylaý júrgizilýde. Qaýip seıilgen joq. Sondyqtan barshańyzdy betperde taǵýǵa, qoldy jıi jýyp, antıseptıkterdi paıdalanýǵa, áleýmettik qashyqtyqty saqtaýǵa shaqyramyn. Túrli merekelik is-sharalardy, toılar men otbasylyq is-sharalardy ótkizýge tyıym salynǵanyn taǵy da eske salamyz!. Sonymen qatar, jergilikti atqarýshy organ janynan uıymdastyrylǵan mobıldi toptar tarapynan kásipkerlik obektilerinde karantın talaptaryn saqtaý boıynsha monıtorıng kúsheıtilgenin eske salamyz!. Betperde tártibin, áleýmettik qashyqtyqty jáne karantın talaptaryn qatań saqtańyzdar!. Qorǵanys quraldary ınfektsııanyń taralýyn azaıtýǵa kómektesetinin túsingen abzal. Ózińizdi jáne jaqyndaryńyzdy saqtańyzdar!», -dedi Aqtóbe oblystyq sanıtarııalyq-epıdemıologııalyq baqylaý departamentiniń basshysy Nursulý Berkimbaeva.
Jalpy oblysta 5020 jaǵdaı tirkeldi. Onyń 89,4% jazylyp shyqty.
