Aqtóbeniń bas dárigeri: Balalar apelsınnen jappaı ýlanyp jatqany jaıly aqparat jalǵan
AQTÓBE. QazAqparat – Aqtóbede WhatsApp jelisi arqyly «apelsınnen ýlandy» degen aqparat tarap ketti. Oblystyq densaýlyq saqtaý basqarmasynyń basshysy Rústem Isaev aqparatqa qatysty túsinik berdi, dep habarlaıdy QazAqparat tilshisi.
Áleýmettik jeli arqyly beıtanys adamnyń: «Mandarın, apelsın jemeńder. Aqtóbede mandarın, apelsınnen balalar ólip jatyr» degeni jazylǵan habar keldi.
«Balalardyń aýyz qýysy ýylyp, jara bolyp, ınfektsııalyq aýrýhananyń ishi naýqasqa toldy» degen habarlama kópshilikke tarap ketti. Bul habarlamadaǵy aqparatty oblystyq densaýlyq saqtaý basqarmasynyń basshysy Rústem Isaev joqqa shyǵardy.
«Balalardy emdeıtin eki aýrýhanaǵa habarlasyp, jaǵdaıdy bildim. Jappaı ýlanyp, em izdep kelgen bala joq. Bul jalǵan aqparat»,- dedi R.Isaev.
