Aqtóbeniń bas dańǵylynda kóligimen qarsy baǵytqa shyǵyp júıtkigen jasóspirim ustaldy
AQTÓBE. QazAqparat – Aqtóbe qalasyndaǵy Ábilqaıyr han dańǵyly boıynda qarama-qarsy baǵytqa shyǵyp, kóligimen júıtkı jónelgen jasóspirim ustaldy, dep habarlaıdy QazAqparat tilshisi.
Áleýmettik jeli arqyly tarap ketken vıdeodan Aqtóbe qalasyndaǵy Ábilqaıyr han dańǵylyn anyq kórýge bolady. Bul vıdeony polıtsııa qyzmetkerleri dereý nazarǵa alyp, tekserý júrgizdi.
«17 jastaǵy jasóspirimniń aty-jóni anyqtaldy. Ákimshilik quqyqbuzýshylyq týraly kodekstiń «Kólik quralyn joldyń júrý bóliginde ornalastyrý, qarsy júrip ótý nemese basyp ozý qaǵıdalaryn buzý» baby aıasynda hattama toltyryldy. Aıyppuldy ata-anasy tóleıdi. Bozbalanyń júrgizýshi kýáligi joq», - dedi oblystyq PD baspasóz qyzmetiniń jetekshisi Erbolat Sarqulov.
