Aqtóbeniń barlyq mektepteri men balabaqshalaryna beınebaqylaý kameralary ornatyldy
AQTÓBE. QazAqparat - Aqtóbeniń barlyq mektepteri men balabaqshalaryna beınebaqylaý kameralary ornatyldy. Buǵan qalalyq bıýdjet qarajaty jumsaldy.
«Bastapqyda máslıhattyń sheshimimen 40 mektepte beınebaqylaý kameralaryn ornatý úshin 50 mln teńge bólindi. Alaıda memlekettik satyp alýdy ótkizý nátıjesinde qarajat únemdelip, bólingen qarjy 71 mektep pen 50 balabaqshada beınebaqylaý kameralaryn ornatýǵa jetti», - dedi bilim bóliminiń basshysy Lázzat Orazbaeva.
Beınebaqylaý kameralary balalardyń qaýipsizdigi úshin ornatyldy. L. Orazbaevanyń sózine qaraǵanda, bul másele sońǵy 4 jyl boıy talqylanǵan, naýryz aıynda ǵana óńir basshysy Berdibek Saparbaevtyń qoldaýy nátıjesinde másele sheshimin taýyp, qarajat bólindi.
