Aqtóbeniń barlyq aýdanyna týrıstik marshrýt ázirlendi
Aqtóbede ár aýdannyń tabıǵı, tarıhı, arheologııalyq jáne ekonomıkalyq erekshelikterine qaraı marshrýt ázirlendi. Іshki týrızmdi damytý maqsatynda arnaıy aqparattyq týr uıymdastyryldy.
«Qobda aýdany - Álııa Moldaǵulova týǵan jeri. Álııa aýylynda patrıottyq klýb bar, Bulaq aýylynda batyrdyń alleıasy jaıqalyp tur. Sonymen birge ekotýrızmdi damytý maqsatynda sharýashylyq basshysy bıe saýý, saýmal daıyndaýdy kórsetip, qonaq qabyldaýǵa daıyn. Oıyl aýdanynda Barqyn qumy men qaraǵaı toǵaıy bar. Jibek joly torabyndaǵy Kókjar jármeńkesi, aq tarynyń atasy Shyǵanaq Bersıev ómirge kelgen jer kórsetilip, álem rekordy týraly aıtylady. Mártók aýdanynyń tabıǵaty tamasha. Onda maral sharýashylyǵy jaqsy damyǵan. Aýdandaǵy taýarly-sút fermasyna da barýǵa bolady. Hromtaý - óndiristi aýdan. Munda Dóń ken óndirý kombınaty jumys istep tur. Týrısterge shahtadaǵy ómir kórsetiledi. Alǵa aýdanynda Tama Eset batyr kesenesi bar. Qarǵalynyń da tabıǵaty keremet. Jalpy 6 aýdanǵa sapar kezinde kópshiliktiń shyn qyzyǵatynyn bildik. Bul jerlerdi tanymal etý jumystary jalǵasady», -dedi oblystyq kásipkerlik basqarmasynyń basshysy Nurhan Tileýmuratov.
Іshki týrızmdi damytýǵa ınfraqqurylym qolbaılaý bolyp tur. Kóp jerde jol joq.
«Týrıstik jerlerde jatyn oryn, qonaqtardy kútý, tanystyrý qarastyrylmaǵan. Soǵan qaramastan biz marshrýtty bıyl bekitip, keler jyly adamdardyń saparyna jaǵdaı jasamaqpyz. Aýdandarǵa barý shamamen ár adamǵa 8 myń teńgeden bastalady. Tasymaldaý, saqtandyrý, jeńil tamaqtaný uıymdastyrylady. Al atqa minip, saýmal ishý sekildi qosymsha qyzmetke týrıster bólek aqsha tóleıdi. Ári bul salada sýbsıdııa da qarastyrylǵan», - dedi Nurhan Tileýmuratov.
