Aqtóbeniń ár aýdany tasqynnan zardap shekkenderge páter syılady

AQTÓBE. QazAqparat - Aqtóbe oblysynyń Yrǵyz aýdany búgin bir otbasyǵa páter syılady. Óńirdegi 12 aýdan sý tasqyny kezinde zardap shekken 12 otbasyǵa páter alyp bergen , dep habarlaıdy QazAqparat tilshisi.
None
None

Aqtóbe oblysyndaǵy sý tasqyny kezinde 74 saıajaı kooperatıvindegi 1 myńǵa jýyq úı sýǵa ketken bolatyn. Zardap shekken 86 otbasyǵa jer telimi berilip, qurylys jumystary júrip jatyr. Sý tasqynynyń zardabymen kúres kezinde jergilikti bılik bıýdjetten qarjy bóle almady. Arnaıy «Qolǵanat Aqtóbe» qoryn quryp, 164 mıllıon teńgeden astam qarjy jumsalǵan. Qarjynyń basym bóligin aqtóbelik, mańǵystaýlyq munaıshylar aýdardy. Sonymen qatar, Aqtóbe oblysynyń ákimi Berdibek Saparbaev aýdandarǵa tapsyrma berip, bir otbasyny baspanamen qamtýǵa úndedi. Búgin Yrǵyz aýdany 10 adamy bar otbasyny qýantyp, páter kiltin syılady.

«Kóktemgi sý tasqyny kezinde qala turǵyndary zardap shekken bolatyn. Oblys ákimi Berdibek Saparbaev úndeý tastaǵan soń Yrǵyz aýdanynyń belsendi azamattary qalys qalmaýdy jón kórdi. Yrǵyzdyqtar Aınagúl Qısyqovanyń otbasyna kómek berip, eki bólmeli páter satyp aldy»,- dedi Yrǵyz aýdanynyń ákimi Mádı Eleýsizov.

Aıta keteıik, Aınagúl Qısyqovanyń úıinde 10 adam bar. Nemeresi týa bitti sal aýrýyna shaldyqqan.

«Áıteke bı aýdanynyń Aqkól aýylynan 5 jyl buryn kóship kelgen bolatynmyn. Qısyqkól baý-baqsha ujymynda turdym. Sý tasqynynan soń úıimiz turýǵa jaramsyz bolyp qaldy. Nemerem týa bitti sal aýrýyna shaldyqqan. Munyń bári bizge aýyr tıdi. Al búgin baspanaly bolyp, qýanyp qaldyq. Rahmet aıtamyn»,- dedi ol.

Сейчас читают