Aqtóbeniń Alǵa qalasyndaǵy birneshe kóshege qazaqsha ataý berilmek
ASTANA. QazAqparat – Aqtóbe oblysynyń Alǵa qalasyndaǵy 4 kósheniń ataýy ózgerýi múmkin. Bul týraly «Ashyq» NQA portalynda jarııalanǵan aýdan ákimdiginiń qaýlysy men máslıhattyń sheshiminde jazylǵan, dep habarlaıdy QazAqparat tilshisi.
«Alǵa qalasynyń Komsomol kóshesi – Jastyq, Lenın kóshesi – Respýblıka, Frýnze kóshesi – Shapaǵat, Chapaev kóshesi – Azattyq kóshesi bolyp atalsyn», - dep kórsetilgen ashyq talqyǵa shyǵarylǵan sheshimde.
Usynysty ashyq talqylaý 19 jeltoqsanǵa deıin jalǵasady.
Qosa keteıik, Astana qalasynyń ákimdigi elordanyń shet aýmaǵyndaǵy ál-Farabı dańǵyly sol jaǵalaýǵa kóshiriletinin málimdegen bolatyn.
