Aqtóbeniń Alǵa aýdanynda 600 oryndyq mektep paıdalanýǵa berildi
Alǵa aýdanynda zamanýı mektep ashyldy. Bul mekteptiń janynda 100 balaǵa arnalǵan ınternat jumys isteıdi. Oblys ákiminiń baspasóz qyzmetiniń habarlaýynsha, qurylys jumystaryna 1,7 mıllıard teńge jumsaldy.
«Memleket basshysy Nursultan Nazarbaev árdaıym jastarǵa qamqorlyq jasaıdy. Básekege qabiletti, joǵary ıntellektýaldyq, rýhanı damyǵan qazaqstandyqtardy tárbıeleý úshin, mádenıet, sport, bilim nysandaryn salyp jatyrmyz. Bıyl oblysta 26 mektep salynady. Onyń ishinde 15 mektep jyldyń sońyna deıin tapsyrylady, 9 mektep qyrkúıekte ashylady»,- dedi Berdibek Saparbaev.
Alǵa qalasynda ashylǵan mektep-gımnazııa ǵımaraty bilim berý standarttary men qaýipsizdik talaptaryna tolyq sáıkes keledi. Munda joǵary jyldamdyqty ınternet, mýltımedıalyq quraldarmen jabdyqtalǵan. Fızıka, hımııa, bıologııa jáne ınformatıka kabınetteri bar.