Aqtóbeniń ákimi shirigen kartopty satylymǵa shyǵarǵandardyń kim ekenin anyqtamaq
Aqtóbe oblysynda bıyl turaqtandyrý qoryna 1268 tonna kartop salyndy. Ony satyp alýǵa 78 mıllıon teńge qarjy jumsaldy. Degenmen tutynýshylar kelisi 84 teńge turatyn kartoptyń sapasyn synady. Kóbi buzylǵan, shirigen.
«Bizde osyndaı máleseniń týyndaǵanyna qaraǵanda jaǵdaıdy jetkilikti deńgeıde baqylaı almadym dep oılaımyn. Men de jaýaptymyn. Osyǵan jaýapty qyzmetker ózine artylǵan jumysty tııanaqty atqara almady, halyqty sapaly kartoppen qamtamasyz etýde salǵyrttyq tanytty. Qazir tekserý júrip jatyr. Aıtarym – saýdada dostyq joq. Ózim de bir kezderdi bızneste júrdim. Osy basqa, sózi bóten, keıde isi basqa. Ekini ekige kóbeıtkende tórt bola bermeıdi. Bul jaǵdaı osyǵan uqsas. Ýáde basqa, al sóredegi ónim basqa bolyp shyqty. Kimniń kinási? Kelisimshartqa qol qoıǵan adamdar ma, jetkizýshiler me álde óndirýshi me? Osyny anyqtaımyz. Sebebi qazir bári bir-birine siltep, jaýapkershilikten qashyp otyr. Birinshisi men sapaly kartop tasymaldadym dese, ekinshisi ne ákeldi, sony satýǵa shyǵarǵanyn aıtty. Meniń oıymsha árqaısysynda bir kiltıpan bar. Tekserý nátıjesinen soń kásipkerge qatysty isine adal nemese jumysyna salǵyrt degen sheshim shyǵarylady. Sondaı-aq oblystyq aýyl sharýashylyǵy basqarmasy, «Aqtóbe» ÁKK» AQ-na qatysty sheshimimdi aıtamyn», - dedi oblys ákimi Ońdasyn Orazalın.
