Aqtóbeniń 21 aýylyna dárigerlik nysandar salynyp jatyr
AQTÓBE. QazAqparat - Aqtóbeniń 21 aýylyna memlekettik-jekeshelik seriktestik aıasynda dárigerlik ambýlatorııa salynyp jatyr. Onyń tórteýi paıdalanýǵa berildi, dep habarlaıdy QazAqparat tilshisi.
Aqtóbeniń shalǵaı aýyldary úshin áli de medıtsınalyq em kórsetetin shaǵyn ambýlatorııalar qajet. Aýdandardaǵy aýyldarǵa 60 medıtsınalyq ambýlatorııa jáne beketke suranys bar. Jospardyń úshten bir bóligi bıyl oryndalady. Al eki jylda ǵımarattardy jalǵa alyp, kóship júrgen dárigerlerdiń barlyq máselesi sheshilýi tıis. Halqy az aýylǵa medıtsınalyq beket josparlanǵan.
«Hromtaý aýdany, Aqjar aýylyndaǵy dárigerler buǵan deıin bólme jaldap, halyqqa metsınalyq kómek kórsetti. Beıimdelgen ǵımaratta otyrǵan dárigerler endi zamanaýı ǵımaratqa qonystanyp, halyqqa qyzmet kórsete alady. Munda kúnine 50 adam qabyldanady. Jalpy Aqtóbe oblysy boıynsha 21 dárigerlik ambýlatorııa qurylysy júrip jatyr. Onyń tórteýi paıdalanýǵa berildi»,- dedi Aqtóbe oblysynyń densaýlyq saqtaý basqarmasynyń basshysy Áset Qalıev.
Aıta keteıik, bir kúnde Hromtaýdyń Aqjar aýylynda dárigerlik ambýlatorııa, Alǵanyń Qaıyńdysaı jáne Hromtaýdyń Kóptoǵaı aýyldarynda medıtsınalyq beket paıdalanýǵa berildi.
