Aqtóbeniń 152 jyldyǵyna oraı sporttyq jarystar ótti
AQTÓBE. QazAqparat – 28 mamyrda Aqtóbe qalasyna 152 jyl toldy. Osy dataǵa oraı sporttyń birneshe túrinen jarys uıymdastyryldy, dep habarlaıdy QazAqparat tilshisi.
Qobylandy batyr ortalyq stadıon alańynda jumysshy jastar jarysqa tústi.
«Jumysshy jastar ústel tennısinen ótken jarysqa qatysty. Bári túrli salada eńbek etip júrgen zamandastarym. Jalpy jarysta 30 er, 10 áıel baq synady», - dedi qalalyq jastar resýrstyq ortalyǵynyń basshysy Nursultan Qaldybaı.
Sonymen birge toǵyzqumalaq, doıbydan saıys uıymdastyryldy. Qala birinshiligine 9 jasqa deıingi jáne 11 jasqa deıingi balalar qatysty.
«Jarys aınalma júıesi boıynsha ótti. Balalardyń bári de arnaıy úıirmege qatysyp, tájirıbe jınaǵany kórinip tur. Balalar men jasóspirimder úshin munyń paıdasy mol. Ásirese olar jat qylyqtan, esirtki, temekiden aýlaq júredi dep senemiz», - dedi qala turǵyny Qanat Jubanyshev. Toǵyzqumalaqtan ótken birinshilikte 11 jasqa deıingi uldar arasynda І oryndy Aıan Aımaq, qyzdar arasynda Aızere Abdına ıelendi.
Al Tuńǵysh Prezıdent atyndaǵy saıabaqta taekvondodan týrnır ótti. Oǵan balalar men jasóspirimder qatysty.
«Qala kúnine arnalǵan týrnırge 182 bala qatysty. Olar 15 salmaq dárejesi boıynsha kúsh synasty. Qalalyq jarysta jeńimpaz atanǵandar oblystyq birinshilikke qatysady», - dedi bapker Táýekel Álipbaev.
