Aqtóbeniń 150 jyldyǵyna oraı kásipqoı boks keshi ótedi
AQTÓBE. QazAqparat - 27 aqpan kúni Aqtóbe qalasynyń 150 jyldyǵyna oraı kásipqoı boks keshi ótedi. Bul týraly VKontakte áleýmettik jelisinde «Qazaqstannyń kásipqoı boksy» paraqshasynda jazyldy, dep habarlaıdy QazAqparat.
Kásipqoı boks keshin Tukeshov Boxing Promotions promoýterlik kompanııasy uıymdastyrýda.
Týrnır aıasynda profı-rıngtegi alǵashqy aıqasyn 23 jastaǵy elordalyq boksshy Erbolat Ermekov ótkizedi. Ol eki márte Qazaqstan chempıony bolǵan, sondaı-aq el namysyn álem birinshiliginde qorǵaǵan. Onyń qarsylasy - shymkenttik Meıirbek Sabyrov. Kásipqoı rıngte úsh jeńisi bar. Reıtıngilik jekpe-jek jartylaı orta salmaqta (66,7 keli) ótedi.
Sondaı-aq birinshi orta salmaqta (58,9 kg) qazaqstandyq Polat Ábdiqasylov pen reseılik Vladıslav ıAkovlevtiń aıqastary josparlanǵan. Ábdiqasylov kásipqoı bokstaǵy alǵashqy jekpe-jegin byltyr 15 qyrkúıek kúni Aqtóbede Tukeshov Boxing Promotions kompanııasy uıymdastyrǵan keshte ótkizgen edi. Sportshymyz qarsylasy - ózbekstandyq Bahadúr Tılloevty ekinshi raýndta tehnıkalyq nokaýtpen jeńdi.
Іrikteý týrnırlerinen keıin kelesheginen úmit kúttiretin boksshylar Tukeshov Boxing Promotions kompanııasynyń quramyna enedi jáne aldaǵy ýaqytta elimiz atynan álemdik arenalarda óner kórsetpek.
«Jekpe-jek» sport kesheninde ótetin boks shoýyn tanymal akter, «Keıki Mergen» fılminde Keıki batyr rólim somdaǵan Darhan Súleımenov júrgizedi.
Málim bolǵandaı, bıletter quny - 1000 teńge. Túsken barlyq aqshalar «Hareket» qaıyrymdylyq qoryna aýdarylady.
