Aqtóbeni kóriktendirmek bolǵan bılik áreketi synǵa ushyrady
AQTÓBE. QazAqparat - Aqtóbede turǵyn úılerdiń qasbetin boıaý jumystary qarqyndy júrip jatyr. Turǵyndar jergilikti bıliktiń bul sheshimine óz pikirlerin bildirip, keıbirin qaıta boıaýǵa májbúr etti, dep habarlaıdy QazAqparat tilshisi.
Aqtóbe qalasyndaǵy turǵyn úılerdiń súreńsiz keıpin ózgertý úshin jergilikti bılik olardyń qasbetin boıaýǵa kóshti. Qazirgi kezde qala ortalyǵy men qala qonaqtary kóp shoǵyrlanatyn kóshelerdegi turǵyn úılerdiń qabyrǵasy boıalyp jatyr. Máselen, temirjol vokzaly men 11, 12 yqsham aýdandar, qalanyń bas dańǵyldaryndaǵy úıler boıaldy, jaryqshamdarmen bezendirildi. Biraq keıbiri turǵyndardyń synyna ilikken soń jergilikti bılik úılerdiń syrtyn qaıta baıaýǵa kóshken.
Buǵan deıin habarlaǵymyzdaı, kempirqosaqtyń túsine saı dep boıalǵan úıdiń qabyrǵasy geılerdiń týymen saı kelip, Aqtóbe qalasynyń sáýlet jáne qala qurylysy bóliminiń basshysy Tanat Shegebaev bul synǵa óz jaýabyn aıtqan bolatyn. Úıdiń qasbetin basqa túske boıamaımyz dep sheshimdi pikir aıtqanymen, keıin bul oıynan aınyp qaldy. Qazir úıdiń qabyrǵasy aq túske boıalǵan . 
Aıta keteıik, Aqtóbe qalasynda 30-dan astam úıdiń qasbeti túnde janyp, túrli túske boıalady. Tanat Shegebaevtyń aıtýynsha, qanshy úıdiń boıalatyny, oǵan qansha qarjy jumsalatyny belgisiz.
