«Aqtóbeni» Vıktor Skrıpnık jattyqtyra ma - resmı aqparat jarııalandy

ASTANA. KAZINFORM — Lýganskiniń «Zarıa» klýbynyń bas bapkeri Vıktor Skrıpnık Qazaqstanda eńbek jolyn jalǵastyrýy múmkin degen aqparat shyndyqqa sáıkes kelmeıdi, dep habarlaıdy Sports.kz.

Málimetke sáıkes, tájirıbeli ýkraınalyq mamannyń Zarıa klýbymen qoldanystaǵy kelisimsharty bar jáne ol kelisim merzimin tolyq óteýdi josparlap otyr.

Qazirgi ýaqytta Vıktor Skrıpnık Germanııada demalysta júr. Ol 14 qańtar kúni keshke Túrkııadaǵy oqý-jattyǵý jıynyna «Zarıa» komandasyna qosylyp, kelesi kúni jańa jyldaǵy alǵashqy jattyǵýyn ótkizedi dep josparlanǵan.

Qazir «Zarıa» Ýkraına chempıonatynda 23 upaı jınap, týrnır kestesinde segizinshi orynda tur.

Buǵan deıin birqatar buqaralyq aqparat quraldary Vıktor Skrıpnık qazaqstandyq Aqtóbe klýbynyń bas bapkeri bolýy múmkin ekenin habarlaǵan.

Aıta keteıik, Alı Alıev «Jeńis» fýtbol klýbynyń tizginin ustady.