Aqtóbelikterdiń medıtsına sapasyna qanaǵattaný deńgeıi – 58,6%

Ortalyq kommýnıkatsııalar qyzmetinde ótken brıfıngide Aqtóbe oblysynyń ákimi Ashat Shaharov shalǵaı aýyldardaǵy aýrýhana tapshylyǵy qalaı sheshiletinin aıtty,   dep habarlaıdy Kazinform.

«Turǵyndardyń medıtsınalyq qyzmetter sapasyna qanaǵattaný deńgeıi bolyp otyr. Atalǵan máseleni sheshý úshin densaýlyq saqtaý salasynda naqty sharalar qabyldanady. «Aýyldaǵy densaýlyq saqtaýdy jańǵyrtý» ulttyq jobasy aıasynda 29 densaýlyq saqtaý nysanyn salý josparlanǵan. Bul buryn zamanaýı medıtsınalyq nysany bolmaǵan 15 myń halqy bar shalǵaı aýyldardy qamtıdy. Búgingi kúni 3 nysan iske qosyldy. Jyl sońyna deıin taǵy 5 obekt paıdalanýǵa beriledi. Qalǵan 21 nysan kelesi jyly qoldanysqa beriledi», - dedi óńir basshysy.

Sondaı-aq ol Hromtaý, Muǵaljar jáne Shalqar aýdandaryndaǵy 3 aýdanaralyq kópbeıindi aýrýhana ashylatynyn aıtty.

«Bul ortalyqtan 500-600 shaqyrymda ornalasqan aýyl turǵyndaryna jaqyn jerden sapaly medıtsınalyq kómek alýǵa múmkindik beredi. Sonymen birge jeke ınvestıtsııalar esebinen de iri jobalar júzege asyrylady. ıAdrolyq medıtsına jáne tomoterapııa ortalyǵy bar, batystaǵy óńirlerdi tolyq qamtıtyn Orhýn Medıkal kópsalaly klınıkasy – sonyń bir mysaly. Marat Ospanov atyndaǵy medıtsınalyq ýnıversıtet janynan «Renesans» holdıngimen birlesken ýnıversıtet klınıkasy salynady. Sonymen qatar Aqtóbe qalasynda jylyna 35 myńnan astam naýqas qabyldaıtyn 320 oryndyq kópbeıindi oblystyq aýrýhana ǵımaratyn kúrdeli jóndeýden ótkizemiz», - dedi ákim.