Aqtóbelikter naýryz aıynda 3 kún boıy qoǵamdyq kólikte tegin júredi

AQTÓBE. KAZINFORM – 8, 15 jáne 22 naýryz kúnderi Aqtóbe qalasynda qoǵamdyq tasymal tegin uıymdastyrylady.

Aqtóbe qalasy ákiminiń baspasóz qyzmetiniń habarlaýynsha, búginde barlyq tasymaldaýshy kompanııa óz kelisimin berdi.

– Qala ákiminiń qaýlysy boıynsha Halyqaralyq áıelder kúni, Respýblıkalyq referendým ótetin kúni jáne Naýryz merekesinde turǵyndar men qala qonaqtary qalalyq avtobýstarda tegin júredi. Aqtóbe qalasynda 46 baǵyt boıynsha 6 kompanııa qyzmet kórsetedi. Olar: «Avtopark» JShS, «Qyzmet Aqtóbe» ShJQ KMK, «Qala Trans» JShS, «Akzhayik Avtopark» JShS, «RTT Group» JShS, «TK JTK» JShS, - dedi Aqtóbe qalasy ákiminiń baspasóz hatshysy Aıgúl Baımenova.

Al Shymkentte 14 myńnan astam ana mereke qarsańynda qosymsha járdemaqy alady. Birjolǵy áleýmettik tólem 5 aılyq eseptik kórsetkish kóleminde (21 625 teńge) beriledi. Qarajat jergilikti bıýdjetten bólindi.