Aqtóbelik sharýalar asyl tuqymdy malǵa alǵan sýbsıdııanyń bir bóligin qaıtarady
AQTÓBE. KAZINFORM – Aqtóbe oblystyq aýyl sharýashylyǵy basqarmasy 10-nan astam sharýashylyq ıesin sotqa berip, sýbsıdııa qarjysyn óndirdi. Sebebi sharýalar satyp alǵan asyl tuqymdy iri qarany bir jylǵa jetpeı tizimnen shyǵaryp jibergen.
Aqtóbe oblystyq mamandandyrylǵan aýdanaralyq ekonomıkalyq sotynda «Satý», «Rahat», «Mendıbaı-Karagash», «Taıqoja», «Reımkýl», «Vostok», «Alı», «Arman», «Daýlet», «Jaılaý», «Kendala», «Abdýalıev» sharýa qojalyqtarynyń isi qaraldy. Oblystyq aýyl sharýashylyǵy basqarmasy sýbsıdııaǵa alǵan asyl tuqymdy maldy bir jylǵa jetpeı tizimnen shyǵaryp jibergen sharýalardyń isi zańsyz ekenin aıtyp, shaǵym túsirgen. Sharýalar barlyǵy 40 bas múıizdi iri qaranyń qarjysyn keri qaıtarýy tıis. Bul degenimiz – shamamen 9 mln teńge.
Al tórt sharýa qojalyǵynan sýbsıdııa shyǵynyn óndirý týraly talap aryz qaraýsyz qaldy.
Aqtóbe oblystyq mamandandyrylǵan aýdanaralyq ekonomıkalyq sotynyń qaýlysyna kelispegen sharýalar oblystyq sottyń azamattyq ister jónindegi sot alqasyna shaǵym túsirdi. Alaıda sot alqasy apelıatsııalyq shaǵymdy qanaǵattandyrýsyz qaldyrý týraly qaýly shyǵardy.
Buǵan deıin habarlaǵynymyzdaı, Qostanaı qalasynda memlekettik sýbsıdııalardy jymqyrý jáne qylmystyq jolmen alynǵan kiristerdi zańdastyrý faktisi boıynsha úkim shyǵaryldy. Sot úkimimen uıymdastyrýshy Parhomenko A.G. 14 jylǵa bas bostandyǵynan aıyryldy.
