Aqtóbelik polıtseıler mektep dápteri tıelgen júk kóligin órtegen kúdiktini ustady

ASTANA. KAZINFORM – Aqtóbede polıtsııa qyzmetkerleri mektep dápteri tıelgen júk kóligin órtep jibergen kúdiktini qolǵa túsirdi. Bul týraly polisia.kz jazdy. 

Jazdyń basynda Mártók aýdanynda 20 tonna mektep dápteri tıelgen Mercedes-Benz júk kóligi órtengen bolatyn.

Kúdikti qylmys jasaǵannan keıin eki aıdan astam ýaqyt izdeýde júrdi. Keltirilgen zalal kólemi 54 mln. teńgeden asady.

Polıtsııa qyzmetkerleri jedel-izdestirý is-sharalaryn júrgizý barysynda kúdiktiniń turǵan jerin anyqtap, ony qolǵa túsirdi. 

Eske sala keteıik, buǵan deıin Aqtóbede qyzmettik kólikti ulyna berip qoıǵan ınspektsııa basshysy tártiptik jazaǵa tartylǵanyn jazǵan edik.