Aqtóbelik polıtseıler kólik apaty boıynsha kýágerlerdi izdep jatyr

AQTÓBE. KAZINFORM – Aqtóbe qalasy Qyzyljar turǵyn alabynda júrginshini kólik qaǵyp, ol oqıǵa ornynda qaza tapty. Qazirgi kezde polıtsııa oqıǵa kýágerlerin izdep jatyr.

Oqıǵa 27 qazan kúni saǵat 23:50 shamasynda bolǵan. Memlekettik nómiri 839 AAJ 04 «Hyundai Sonata» markili avtokóliginiń júrgizýshisi Aqtóbe-Orsk avtojolynan Qyzyljar turǵyn alabynyń ortalyq kóshesine qaraı baǵyt alady. «Kotelnaıa» aıaldamasyna qarama-qarsy jerde jaıaý júrginshini qaǵyp ketti. Jol - kólik oqıǵasynda jaıaý júrginshi oqıǵa ornynda mert boldy.

- Oqıǵa ornynda áıel kóz jumdy. Qaǵyp ketken kólik ıesi eshqaıda qashpady. Qazir tergeý júrip jatyr. Aqtóbe oblysy polıtsııa departamenti jol-kólik oqıǵasy faktisi boıynsha qylmystyq isti tergeý sheńberinde kýágerlerdi izdeıdi. Jol-kólik oqıǵasynyń kýágerlerinen 936-404, 936-408, 8-775-832-07-98 uıaly telefondaryna nemese Aqtóbe oblysy PD anyqtaý basqarmasy №404, 408 kabınetine habarlasýlaryńyzdy suraımyz,- dep habarlady oblystyq PD baspasóz qyzmeti.

Eske salsaq, Aqtóbede jaıaý júrginshiler jolynda anasy men balasyn qaǵyp ketken júrgizýshi sottaldy. Júrgizýshi 2 jylǵa bas bostandyǵynan aıyryldy.