Aqtóbelik oqýshylar erteń mektepke barmaıdy

Aqtóbe qalasynyń oqýshylary dúısenbi kúni onlaın oqıdy, dep habarlaıdy Kazinform.

«25 jeltoqsanda kún raıynyń qolaısyzdyǵyna baılanysty birinshi aýysymnyń 0-11 synyp oqýshylary qashyqtan oqytý formatyna aýystyrylady», - delingen Aqtóbe qalasynyń bilim bólimi taratqan málimette.

Sınoptıkterdiń boljamyna súıensek, erteń Aqtóbe oblysynyń ońtústiginde, soltústigi men ortalyǵynda tuman, kóktaıǵaq kútiledi. Túnde oblystyń soltústiginde jaıaý burqasyn bolady. Jeldiń jyldamdyǵy 15-20 m/s quraıdy.

Al Aqtóbe qalasynda kóktaıǵaq boljanady. Ońtústik-batystan, batystan jel soǵady, túnde ekpini 15 m/s quraıdy.

Aıta keteıik, «Qazgıdromet» RMK 25 jeltoqsanda birqatar óńirde kún raıynyń buzylýyna baılanysty eskertý jarııalady.