Aqtóbelik qutqarýshylar qar qursaýynan 2 adamdy alyp shyqty

ASTANA. KAZINFORM — TJM aqtóbelik qutqarýshylardyń qar qursaýynan 2 adamdy alyp shyqqanyn málimdedi.

Derekke qaraǵanda, Aqtóbe oblysy Baıǵanın aýdany Qaraýylkeldi aýylynan 20 shaqyrym jerde aýa raıynyń nasharlaýyna jáne qardyń kóp túsýine baılanysty jeńil avtokólik qar úıindisiniń astynda qalyp qoıǵan.

- Іshinde 2 adam bar kólikti qutqarýshylar arnaıy tehnıkanyń kómegimen joldyń tazartylǵan ýchaskesine súırep shyǵaryp, aýylǵa deıin alyp keldi. Oqıǵa saldarynan eshkim zardap shekken joq, - dep jazdy vedomstvodan.

TJM daýyldy eskertýlerge nazar aýdaryp, aýa raıy nasharlaǵan jaǵdaıda eldi mekennen tys jerge jolǵa shyqpaýǵa keńes beredi.

Aıta keteıik, Aqtóbede kólik kópirden qulap ketti.