Aqtóbelik qutqarýshylar 4 kólikti qar qursaýynan shyǵardy

ASTANA. KAZINFORM — TJM mamandary 14 adamdy qutqaryp, evakýatsııalady.

— Búgin túnde Hromtaý qalasy «Samara-Shymkent» avtojolynyń 850 shaqyrymynda jolaýshylary bar 3 jeńil avtokólik pen bir júk kóligi qar qursaýynda qalyp, qozǵalysyn jalǵastyra almady. Kólik ishinde 14 adam, onyń ishinde 2 Ózbekstan Respýblıkasynyń azamaty boldy, - dep jazdy vedomstvodan.

TJM qutqarýshylary men 20982 áskerı bóliminiń áskerı qyzmetshileri oqıǵa ornyna vahtovkanmen kelip, kólik quraldaryn joldyń tazartylǵan ýchaskesine súırep shyǵardy.

Kólikterdegi 14 adamdy Hromtaý qalasynyń kempıngine evakýatsııalady.

TJM daýyldy eskertýlerge nazar aýdaryp, aýa raıy nasharlaǵan jaǵdaıda eldi mekennen tys jerge jolǵa shyqpaýǵa keńes beredi.

Buǵan deıin TJM qutqarýshylary joǵalǵan eki adamdy tapqan bolatyn.