Aqtóbelik qyz-kelinshekter mereke kúni qoǵamdyq kólikte tegin júredi

AQTÓBE. KAZINFORM – Aqtóbede Halyqaralyq áıelder kúni barlyq qyz-kelinshek, analardyń avtobýsta tegin júrýine múmkindik jasaldy.

Aqtóbe qalasy ákiminiń baspasóz qyzmetiniń habarlaýynsha, Halyqaralyq áıelder kúnine oraı qoǵamdyq kólikte áıelder úshin jol júrý tegin bolady.

- Aqtóbede qala turǵyndary men qonaqtaryna «Avtopark» JShS, «Qala trans» JShS, «Aqjaıyq avtopark» JShS jáne «Tabys Aqtóbe» JShS tasymaldaýshy kompanııalary qyzmet kórsetedi. Barlyq 4 kompanııanyń avtobýstary 8 naýryzda óziniń turaqty kestesine sáıkes júredi. Áıelder úshin bári tegin qyzmet kórsetedi,-dep habarlady Aqtóbe qalasy ákiminiń baspasóz qyzmeti.