Aqtóbelik eriktiler aýrýhanada em alyp jatqan balalarǵa syı jasady
AQTÓBE. KAZINFORM – Eriktiler 100 em alýshyny quttyqtap bardy. Aıaz Ata men Aqshaqar syılyq taratty.
Aqtóbe oblysynyń volonterler keńesi «Erekshe Jańa jyl» aptalyǵyn ótkizdi. Eriktiler aldymen múgedektigi bar balalardy, kópbalaly otbasylardy quttyqtap bardy. Sonymen birge erteńgilik uıymdastyryp, anımatorlar kishkentaı aqtóbelikterge erekshe kóńil-kúı syılady.
– Іs-shara joǵary deńgeıde ótti. 2019 jyldan beri uıymdastyryp kelemiz. Bıyl 380 bala qamtyldy. Onyń 100-in búgin quttyqtap bardyq. Bári Aqtóbe oblystyq kópsalaly balalar aýrýhanasynda em alyp jatyr. Qýanyp, kózine jas aldy. Olar Jańa jyldy aýrýhanada qarsy alady. Janynda ata-analary da bar. Bizdiń maqsatymyz – balalarǵa qýanysh syılaý. Eshkim nazardan tys qalmaıdy, - dedi Aqtóbe oblystyq volonterler keńesiniń tóraǵasy Nurbek Jalǵasbaev.
Aıta keteıik, «Meıirimdi Qazaqstan» áleýmettik aktsııasyna 10 myńǵa jýyq adam qatysty. Bul bastama qoǵamdaǵy qoldaý mádenıetin nyǵaıtýǵa, áleýmettik jaýapkershilikti arttyrýǵa jáne jastardy ıgi isterge tartýǵa baǵyttaldy.