Aqtóbelik dárigerler Jańa jyl túni dúnıege kelgen sábılerdiń analaryn quttyqtady
AQTÓBE. KAZINFORM - Aqtóbede Jańa jyl túni 14 sábı ómirge keldi. Olardyń birinshisi saǵat 00:10-da dúnıe esigin ashty.
Aqtóbelik jas analardy alǵash bop sol perzenthananyń dárigerleri quttyqtady. 2025 jyly saǵat 00:10-da Baıǵanın aýdanynyń perzenthanasynda qyz ómirge keldi.
- Sábıdiń salmaǵy - 2900 gr. Bul Raıymbek pen Gaýhardyń otbasyndaǵy tórtinshi sábı. Al saǵat 00:20-da Aqtóbe qalasy Qarǵaly perzenthanasynda ul ómirge keldi. Bul kópbalaly ananyń besinshi sábıi. Jalpy Jańa jyl túni óńirde 14 sábı ómirge keldi. Onyń 9-y ul, ózgesi qyz. Shaqalaqtardyń arasynda Shalqarda ómirge kelgen sábıdiń salmaǵy - 4280 gr. Al saǵat 04:55-te Qandyaǵash qalasynda ómirge kelgen balany ata-anasy Ersultan dep atady. Alǵash bop at bergen de osylar. Sábıler men olardyń jas analaryn aldymen perzenthana ákimshiligi quttyqtady,- dep habarlady oblystyq densaýlyq saqtaý basqarmasynyń baspasóz qyzmeti.
Eske salsaq, Aqtóbe oblysynda 31 jeltoqsannan 1 qańtarǵa qaraǵan túni 792 aq halatty kezekshilikke shyqty. Onyń 200-i aýdandarda.
