Aqtóbelik boryshkerlerdiń alıment qaryzy 12 mlrd teńgeden asty
AQTÓBE. KAZINFORM – Bul soma jyl ótken saıyn kóbeıip jatyr. Qazir sot oryndaýshylarynyń óndirisinde 14 myńnan astam is bar.
Aqtóbe oblysy jeke sot oryndaýshylary óńirlik palatasynyń óndirisinde 16 myńnan astam is bar. Qazirgi ýaqytta onyń 4 myńǵa jýyǵy aıaqtalǵan. ıAǵnı buǵan deıin alıment alyp júrgen balalar 18 jasqa tolyp ketken. Al qalǵan 14 myńnan astam is sot oryndaýshylarynyń baqylaýynda. Aqtóbelikterdiń 11 myńnan astamy alımentti jalaqydan óteıdi. Óndirilgen alıment somasy 253 mln teńgeden asty. Taǵy 3 myńǵa jýyq boryshker jumyssyz júr.
- Jumyssyz boryshkerler isi – kúrdeli másele. «Mansap» ortalyǵy arqyly bos jumys oryndary jármeńkesi ótti. Barlyǵy 97 boryshker esepke alynsa, 100-den astamy eńbekke aralasty. Olar az da bolsa qaryzdy ótep jatyr. Sot oryndaýshylaryna is túsken boıda boryshkerlerge jumyssyz retinde tirkeýdi usynady. Ókinishke qaraı bári birdeı barmaıdy, tipti bas tartady. Májbúrlep aparǵan kezde ǵana jumyspen qamtylyp jatyr. Taǵy bir ókinishti jaıt. Jumysqa turady, birer aıdan soń basshylarymen kelise almaǵanyn, aılyǵy tómen ekenin, densaýlyǵy syr bergenin aıtyp, ketip qalady. Óńir boıynsha berejaq somasy 12 mlrd teńgeden asty. Bul toqsan saıyn ósip tur. Bıyl bir aıda ǵana tómendeý tirkeldi,- dedi Aqtóbe oblysy jeke sot oryndaýshylary óńirlik palatasy basshysynyń orynbasary Qaırat Tankaev.
Jyl basynan beri 123 boryshker ákimshilik jaýapqa tartylǵan. ıAǵnı birneshe táýlikke qamaýǵa alyndy. Taǵy 8 boryshker qylmystyq jaýapqa tartylyp, bir jylǵa bas bostandyǵynan shekteý jazasy taǵaıyndaldy. Sonymen birge mekenjaıy belgisiz 140 boryshkerge izdeý jarııalanyp, onyń 20-dan astamy tabyldy.
- Buryn boryshkerler úsh sanatqa bólindi. Áleýmettik jaǵdaıy jaqsy, alıment tóleýden jaltarady. Óz atyna múlik tirkemeıdi, esepshotynda aqsha ustamaıdy. Bárin jasyryn júrgizedi. Ekinshi sanat – aýyl adamdary. Alıment tólegisi keledi, biraq jumysy joq. Úshinshiden, úı-kúıi joq kóshe kezip ketken adamdar. Qazir jumyssyz júrgen 3 myń boryshkerdiń arasynda osy úshinshi sanatqa jatatyny kóbeıdi,- dedi Qaırat Tankaev.
Aqtóbe oblystyq ádilet departamenti basshysynyń orynbasary Bolat Rasqalıevtiń aıtýynsha, jeke sot oryndaýshylarynyń jumysyna kóńili tolmaǵan adam Aqtóbe oblysy jeke sot oryndaýshylary óńirlik palatasyna shaǵym túsire alady. Al memlekettik sot oryndaýshylaryna qatysty aryzdy oblystyq ádilet departamenti qabyldaıdy. Sodan keıin ǵana ákimshilik shara qoldaný úshin is sotqa jiberiledi.
Aıta keteıik, Pavlodar oblysynyń prokýratýrasy alıment boıynsha bereshegi bar azamattardyń býkmekerlik keńselerde qumar oıyndarǵa qatysý faktilerin anyqtady. Alıment qaryzy bar 279 pavlodarlyq qumar oıynǵa 600 mln teńge tikken.
