Aqtóbelik azamat úıine urlyqqa túsken eki adamdy ustap aldy

Jedel basqarý ortalyǵyna jekemenshik úıdiń aýlasynda eki ury ustalǵany týraly habarlama kelip tústi. Kóp uzamaı oqıǵa ornyna polıtseıler jetken. Kazinform bul týraly Dıapazon-ǵa silteme jasap habarlaıdy. 

Jumystan keıin páterine kelgen úı ıesi  kir jýatyn bólmedegi terezeniń synǵanyn kórgen. Artynsha ol úıde beıtanys eki adamdy baıqap qalyp, olardy qolǵa túsirgen. 

Ustalǵandar - buryn sottalǵan 44 jáne 48 jastaǵy aqtóbelik azamattar. Ekeýi proektor, útik, teledıdar jáne alıýmınıı mánti pisirgishin urlamaq bolǵan. 

Qazirgi kezde atalǵan fakti boıynsha sotqa deıingi tergeý amaldary júrgizilip jatyr.