Aqtóbeliktiń úıinen 44 dana kıik múıizi tárkilendi
AQTÓBE. QazAqparat – Aqtóbede Yrǵyz aýdanynyń turǵynynan 44 dana kúıik múıizi tárkilendi, dep habarlaıdy QazAqparat tilshisi.
Aqtóbe oblystyq PD qyzmetkerleri jedel is-shara barysynda Yrǵyz aýdany turǵynynyń jeke úıin tintidi.
«Jergilikti turǵynnyń úıinen 44 dana aqbóken múıizi tabyldy. 12 kalıbrli ańshy myltyǵy tárkilendi. Atalǵan fakti boıynsha «Ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý» baby boıynsha sotqa deıingi tergeý bastaldy. Qazirgi ýaqytta tergeý amaldary júrgizilýde», - dedi oblystyqPD baspasóz qyzmetiniń jetekshisi Erbolat Sarqulov.