Aqtóbelikterdiń 97% jýyǵy halyq sanaǵyna qatysty

AQTÓBE. QazAqparat – Aqtóbe oblysy boıynsha 874 myń adam ulttyq sanaqqa qatysty. Bul turǵyndardyń 96,9% quraıdy, dep habarlaıdy QazAqparat tilshisi.

Aqtóbe oblysy boıynsha barlyǵy 874 myń adam sanaqqa qatyssa, onyń 413 myńy onlaın, ózgesi dástúrli túrde saýalnama suraqtaryna jaýap berdi.

«Aqtóbe qalasynda halyq sanaǵy jaqsy júrip jatyr. Munda azamattardyń 101,2% saýaldarǵa jaýap berdi. Al Qarǵaly aýdanynda 101,1%, Baıǵanın aýdanynda 96,5% kórsetip tur», - dedi oblys ákiminiń birinshi orynbasary Rýslan Hambarov.

Aıta keteıik, elimizde onlaın halyq sanaǵynyń merzimi uzartyldy.

«Іshki kóshi-qonǵa baılanysty keıbir mekenjaıda tirkelgen adamdar qazir qalada nemese basqa óńirde júr. Bul adamdardyń naqty sanyn, olardyń álemettik jaǵdaıyn bilýge kedergi keltirip tur. Sondyqtan izdestirý jumystary qatar júrip jatyr», - dedi QR Strategııalyq josparlaý jáne reformalar jónindegi agenttigi Aqtóbe oblysy boıynsha Ulttyq statıstıka bıýrosynyń basshysy Joldasqalı Beısov.