Aqtóbelikter jerlesterin týǵan jerdi qoldaýǵa shaqyrdy
«Týǵan jer» forýmyna Aqtóbede týyp, ósip, basqa óńir men elge ketken ondaǵan adam jınaldy. Olardyń arasynda iri kásipkerler, qoǵam qaıratkerleri, dárigerler men óner adamdary bar. Oblys ákimi Berdibek Saparbaev jumyla óńirdiń ekonomıkasy men áleýmettik jaǵdaıyn, mádenı salasyn damytýǵa úles qosýǵa shaqyrdy.
«Árbir adam úshin eń qymbaty - kindik qany tamǵan jeri. Týǵan jerde tárbıe alyp, ómir jolyńdy bastaısyń. Memleket basshysy Nursultan Nazarbaev Qazaqstan halqyna joldaýynda úshinshi jańǵyrý kezeńiniń bastalǵanyn aıtqan bolatyn. Ekonomıkalyq, saıası ózgeristermen qatar rýhanı jańǵyrý engizý jóninde maqala jarııalady. Baǵdarlamalar belgilendi. Qazir Elbasynyń bergen tapsyrmasyn júzege asyrý jóninde jumys istep jatyrmyz. Arnaıy «Aqtóbe - meniń týǵan jerim» degen áleýmettik jeli ashyldy. Maqsatymyz - jan-jaqta júrgen jerlesterimiz týraly málimet alyp, entsıklopedııa daıyndaý. ıAǵnı, Aqtóbeden shyqqan azamattardy Aqtóbege, keıin Qazaqstanǵa pash etý, ósip kele jatqan urpaqqa Aqtóbe jerinde qandaı azamattar dúnıege kelgenin, halyq úshin, memleket úshin qandaı qyzmet jasap júrgenderin kórsetý», - dedi oblys ákimi Berdibek Saparbaev.
Forýmǵa qatysqan respýblıkalyq transplantologııa ortalyǵynyń dırektory Jaqsylyq Dosqalıev te qatysty. Ol aldaǵy ýaqytta óńirde medıtsına salasyn damytýǵa úles qosatynyn jetkizdi. «Qazaqstannyń qaı jeri bolsa da óte ystyq, jaqsy. Biraq týǵan jerdiń ystyǵy, lebizi, úni erekshe bolady eken. Adamnyń jasy úlkeıgen saıyn ózińniń týǵan jeriń, kindik qanyń tamǵan jer ystyq, jyly, adam janyna jaqyn bolady. Qazaqta «Elińe baryp, erkin bol» degen sóz bar. Aqtóbede tárbıeli, bilikti mamandar, professorlar shyqty. Maqtan tutar azamattar óte kóp. Óńirde medıtsına salasy jaqsy damyp kele jatyr dep oılaımyn. Týǵan jerge óz úlesimdi ala keldim. Transplantatsııa, hırýrgııa salasyn ári qaraı kórkeıtý, jańa bıikke kóterý josparda bar», - dedi J.Dosqalıaev.
