Aqtóbelikter jemqorlyqqa qarsylyqtaryn erekshe jolmen bildirdi
AQTÓBE. QazAqparat - Aqtóbede sybaılas jemqorlyqtyń aldyn alý, adal qyzmetkerdiń ımıdjin qalyptastyrý maqsatynda sýret kórmesi ótti. Stýdentter jemqorlyqtyń zııany men kesirin qaǵazǵa túsirdi, dep habarlaıdy QazAqparat tilshisi.
Sybaılas jemqorlyqtyń aldyn alý, memlekettik qyzmetkerdiń ımıdjin qalyptastyrý maqsatynda Memlekettik qyzmet isteri jáne sybaılas jemqorlyqqa qarsy kúres agenttiginiń oblystyq departamenti kórme uıymdastyrdy. Aqtóbedegi kolledj stýdentteri qaǵaz betine jemqorlyqtyń zııany men qoǵamǵa tıgizetin kesiri týraly oılaryn túsirǵan. «Rýhanııat» mýzeıinde ótken kórme kezinde 18 stýdenttiń jumysy tanystyryldy. Olar adamnyń, memlekettik qyzmetkerdiń boıyndaǵy adaldyq, ádildik qasıetterin sýretteı aldy. Ári jemqorlyqqa jol bergen adamdyń jazasyz qalmaıtyny sýrette anyq kórsetilgen.
«Bul jumys ári qaraı jalǵasady. Biz qoǵamdy sybaılas jemqorlyqtyń jaman inden, kúres jumystary barshaǵa ortaq ekenin túsindirgimiz keledi»,- dedi Qazaqstan Respýblıkasy memlekettik qyzmet isteri jáne sybaılas jemqorlyqqa qarsy is-qımyl agenttiginiń Aqtóbe oblysy boıynsha departamenti basshysynyń orynbasary Rafhat Bısenov.
Kórmeni mádenıet qyzmetkerleri, stýdentter men qala turǵandary tamashalady.
