Aqtóbelikter WhatsApp arqyly aqshasynan aırylyp jatyr
AQTÓBE. QazAqparat - Aqtóbede WhatsApp áleýmettik jelisi arqyly aldanyp qalǵandar qatary artty. Olardyń keıbiri taýar satyp almaq bolsa, ekinshisi ınvestıtsııa salǵan, dep habarlaıdy QazAqparat tilshisi.
Aqtóbede alaıaqtarǵa aldanǵandar qatary artty. Ásirese, «Mobıldi bank» qosymshasyn paıdalanýshylarǵa qaýip tónip tur. Satyp alýshylar kóbine elektrondy túrde aqsha aýdaryp, satýshylarmen baılanys úzip alady.
«Aqtóbe turǵyny «OLX» arqyly habarlandyrýǵa habarlasyp, kólik qozǵaltqyshyn satyp almaq bolady. WhatsApp arqyly baılanysqan satyp alýshy 380 myń teńge aqshasynan aıryldy. Al 23 jastaǵy aqtóbelik Instagram arqyly tabysty jobaǵa ınvestıtsııa salyp, 25 myń teńge aqshasyn qaıtara almaı qaldy»,- dep habarlady oblystyq ІІD baspasóz qyzmeti.
Aqtóbe oblystyq ІІD tanys adamdarǵa da senýge bolmaıtynyn eskertedi. Nesıe alǵanda kepil bolý, jaýapkershiligi shekteýli seriktestikti tirkegende quryltaıshy retinde tirkelý qaýipti. Tipti, qaryzǵa aqsha bergen kezde de notarıýs arqyly rásimdeý qajet.
