Aqtóbelikter úsh kúnde bir ret dúkenge bara alady
AQTÓBE. QazAqparat - Aqtóbe oblysynyń ákimdigi janyndaǵy jedel shtabtyń málimetinshe, turǵyndar úsh kúnde bir ret azyq-túlik dúkenine bara alady, dep habarlaıdy QazAqparat tilshisi.
Sońǵy málimetke súıensek, Aqtóbede vırýs juqtyrǵandar sany 27-ge jetti. Koronavırýs ınfektsııasynyń odan ári órshýine jol bermeý úshin karantın rejımi kúsheıtilip, qatań shekteý sharalary qoldanylady.
«Otbasynda bir adam úsh kúnde bir ret jaqyn mańdaǵy dúkenge nemese sýpermarketke, dárihanaǵa barýy kerek. Qala ishinde jumys kestesi men qyzmet orny kórsetilgen anyqtamasy bar jumys isteıtin adamdardy qospaǵanda, turǵyndardyń jeke kóligimen júrýine tyıym salynady. Jumys berýshiler óz qyzmetkerlerin jumys ornyna jetkizý, úıine tasymaldaýdy uıymdastyrýy qajet. Eger dene qyzýynyń kóterilýi, jótel, tamaqtyń aýyrýy sııaqty tumaý men sýyq tııýdiń belgileri anyqtalǵan jaǵdaıda, úıden óz betinshe em qabyldamaı, tez arada jedel járdem qyzmetin shaqyryńyz», - dep habarlady oblystyq Jedel shtab.
