Aqtóbelikter sýıtsıdpen kúresti halyqaralyq uıymdarmen birge júrgizbek

AQTÓBE. QazAqparat - Aqtóbe oblysy BUU Damý jónindegi baǵdarlamasy men ıÝNISEF balalar qory arasyndaǵy jumysty 2018 jyly bastaıdy, dep habarlaıdy QazAqparat tilshisi.

Aqtóbe 2018 jyly eki iri jobany bastaıdy. BUU Damý jónindegi baǵdarlamasymen birlese atqarylatyn joba úsh jylǵa josparlanǵan. Agrarlyq salany damytýǵa, básekege qabilettiligin arttyrýǵa arnalǵan jumys 365,3 mıllıon teńgege eseptelgen. Qarjynyń bir bóligi respýblıkalyq bıýdjetten bólinedi.

«Eki joba da respýblıkalyq bıýdjet esebinen qosymsha qarjylandyralady. Máselen, ıÝNISEF balalar qorymen birlesip óńirdegi sýıtsıd, ekpeden bas tartý jumystaryn júrgizemiz. Bul joba quny 619 mıllıon teńge. 2018 jyldan bastap iske asyrylatyn jobalar úsh jylǵa josparlanǵan»,- dedi Aqtóbe oblystyq syrtqy baılanystar jáne týrızm basqarmasynyń basshysy Ermek Kenjehanuly.