Aqtóbelikter ortalyq alańdarda eski salt-dástúrdi jańǵyrtty
Naýryz meıramyna arnalǵan shara 14-naýryz kúni bastaldy. Sodan beri Aqtóbede ár kúnge mádenı, tanymdyq kesh josparlandy.
Búgin Ortalyq stadıon alańynda «Sarqyt-saltymyzdyń sarasy» atty merekelik sharasy ótkizildi.
Іs-sharanyń maqsaty - Naýryz meıramyn toılaý arqyly qazaq halqynyń salt-dástúrlerin kórsetý jáne ulttyq sport túrlerin nasıhattaý.
Bul kúni Jastar aýyly taqyrybynda kıiz úı ornatyp, jastar jáne jas otbasylar umyt bola bastaǵan dástúrmen tanysty. Aldymen qoı soıylyp, keıin ony jiliktedi. Et asqan kezde qonaqqa usynylatyn jilikter tanystyryldy.
Sonymen birge ájeler ishek-qaryn arshý, ony órý jolyn túsindirdi. Bas pen sıraq úıitildi. Kıiz úıdi quryp-jınaýǵa arnalǵan sheberlik sabaǵy ótip, ájeler tary túıip, dıirmen tartty.
Kelýshilerge Naýryz kóje, baýyrsaq usynylyp, sarqyt túıinshegi taratyldy.
Sonymen birge oblystyq bilim basqarmasy qazaq jastarynyń dástúrli saýyqtarynyń biri «Bastańǵy» dýmanyn qaıta jańǵyrtty. Sharaǵa oblys ákiminiń orynbasary Bulbul Eleýsinova qatysty.
«Bastańǵy – úlken kisiler alys jolǵa jolaýshylap, saparlap ketkende jastardyń basyn qosatyn kóńil ashý oıyn ortasy. «Qyzǵa qyryq úıden tyıym» degen berik qaǵıdany ustanǵan qazaq jastary, ádette, mundaı basqosýǵa jeńgelerimen, ini - qaryndastarymen birge keletin bolǵan. Bastańǵyǵa jınalǵandar úılerinen qurt - maı, qant - shaılaryn ózderi ákelip, ortaq dastarqan jaıyp, oıyn saýyqpen kóńildi ótkizgen. Osy saltymyzdy jańǵyrtý maqsatynda Aqtóbe joǵary polıtehnıkalyq kolledji óz alaǵynda aǵash úı quryp, qońaqtaryna dastarhan jaıyp, jastarǵa ulttyq oıyndar oınatyp, án men jyrdan shashý shashyp, kóńildi dýman, sazdy kesh syılaıdy»,- dep habarlady Aqóbe oblystyq bilim basqarmasynyń baspasóz qyzmeti.
