Aqtóbelikter Olımpıada júldegeri Nurıslam Sanaevty áýejaıdan kútip aldy

AQTÓBE. QazAqparat – Olımpıadanyń qola medal ıegeri Nurıslam Sanaev Aqtóbege keldi. Ony jankúıerleri áýejaıda kútip aldy, dep habarlaıdy QazAqparat tilshisi.

Palýan Nurıslam Sanaev 57 keli salmaqta qola medal jeńip aldy. Ol keshe Almatyǵa, búgin Aqtóbege keldi.

«Altyn» medal alamyn degen úmitpen bardym. Shúkirshilik etemin, qola medal aldym. Halyq senim artty. Men ony qaıta oralyp, Aqtóbege kelgende anyq sezinip turmyn. Jeńisimdi jerlesterime arnaımyn. Aldaǵy ýaqytta daıyndyǵymdy jalǵastyramyn. Parıjde «altyn» alǵym keledi»,- dedi Nurıslam Sanaev.

Al onyń jattyqtyrýshysy onyń salmaǵy ózgeretinin, 61 nemese 65 kelige aýysatynyn habarlady.

«Nurıslam qarsylastarynyń bárin biledi. Shynymdy aıtsam, psıhologııalyq turǵydan qatelik jiberdi. Utyp kele jatyp, utyldy. Palýannyń daıyndyǵy jaqsy boldy. Іshki kúshi, senimi jaqsy. Jarysqa tyńǵylyqty daıyndaldy. Kelesi jarystarǵa daıyndyǵy týraly áli de aqyldasamyz. Salmaqty qalypty ustap turý qıyn. Endi 57 kelide emes, 61 nemese 65 kelige aýysady», - dedi jattyqtyrýshy Baýyrjan Nurmahanov.

Aıta keteıik, oǵan jeńil kólik jeńil kólik syıǵa berildi. Al aqtóbelik kásipker Marat Qoılybaev 10 mıllıon teńgeniń sertıfıkatyn tartý etti.