Aqtóbelikter Májilis depýtattaryna ótinish aıtty
Aqtóbege Parlament Májilisiniń depýtattary, «Nur Otan» partııasy fraktsııasynyń músheleri Álııa Saparova, Sáken Qanybekov, Pavel Kazantsev jáne Petr Sharapaev keldi.
Búgin olar Qarǵaly aýdany, Shámshi Qaldaıaqov aýylyna baryp, kartop ósirip, saqtap otyrǵan sharýashylyq jumysmen tanysty. Aýmaǵy 200 gektar alqapqa kartop egildi, bul úshin «Bıznestiń jol kartasy - 2020» baǵdarlamasy aıasynda qoldaý kórsetildi.
«2016 jyly quny 1,5 mıllıard teńge bolatyn jobany iske asyra bastadyq. «Bıznestiń jol kartasy -2020» baǵdarlamasy aıasynda 240 mıllıon teńgege ınjenerlik kommýnıkatsııa tartyldy. 2017 jyly jańbyrlatyp sýaratyn arnaıy tehnıka satyp alynyp, 2018 jyly iske qosyldy. Ótken jyly alǵash ret kartop egildi. Sol kezde kókónis qoımasy salyndy. Qoımany salýǵa 654 mıllıon teńge jumsaldy. Kartopty egýge, jınaýǵa nemis tehnıkasy, traktor satyp alyndy. Ótken jyly alǵashqy ónim jınaldy. Gektarynan orta eseppen 26 tonna ónim alyndy. Bul jaqsy nátıje», - dedi «Aktep» JShS-niń atqarýshy dırektory Boranbek Aqtaılaqov.
Sharýashylyq ótken jyly barlyǵy 4800 tonna ónim jınaldy. Onyń 300 tonnasy tuqym. ıAǵnı, sharýashylyq tuqymǵa qajetti kartopty bólek egip, bólek jınap, saqtaıdy.
«Sharýashylyqtaǵy sýarmaly jerdi ıgerýde ereksheligimiz bar. Máselen, 280 gektar jerge 750 metrdi qamtıtyn jańbyrlap sýarý tehnıkasy qoıyldy. Bul Batys Qazaqstandaǵy eń úlken joba, ıspandyqtardyń qondyrǵysy. Jańbyrlap sýarýǵa arnalǵan mashına uıaly telefondaǵy qosymshamen basqaralady. Telefon arqyly baǵytyn ózgertip, qosyp, sóndire alamyz. Al qoıma gollandyq apparat qondyrylǵan, avtomattandyrylǵan. Telefonmen ylǵaldylyǵyn, temperatýrasyn baqyrap, basqarýǵa bolady», - dedi Boranbek Aqtaılaqov.
Kezdesý kezinde jumysshylar Májilis depýtattaryna ózderin oılandyrǵan suraqty qoıdy. Olar úshin turǵyn úı qurylysyn júrgizýge arnalǵan jer telimin 2 jylǵa jalǵa berip, irgetasy quıylyp, qurylys júrmese qaıtaryp alý qol baılap otyr. Sebebi, ózine tıesili jerdi alǵan adamdardyń keıbiri qurylys úshin aqsha tappaı, jyldar boıy kútken jer teliminen aıyrylyp qalyp jatady.
«Jumysshylarmen kezdesý kezinde bári ashyq aıtyldy. Olar turǵyn úı salýǵa berilgen jer telimi paıdalaný merzimin 2 jyldan 5 jylǵa deıin uzartýdy surady. Bul usynys aldaǵy ýaqytta jan-jaqty zerttelip, qaralady. Sonymen qatar, «7-20-25» baǵdarlamasy men Turǵyn úı qurylys jınaq banki arqyly páter alý joldaryn, aıyrmashylyqtaryn surady. Jastardy oqytý, múgedekterge beriletin járdemaqy jaıly suraldy. Bul biz úshin mańyzdy pikir, oı», - dedi Májilis depýtaty Pavel Kazantsev.
