Aqtóbelikter qan qysymyn ólsheýden Gınnestiń rekordyn jańartýǵa jınalyp jatyr
AQTÓBE. QazAqparat - Aqtóbede bir mezetti 500 dáriger turǵyndardyń qan qysymyn ólsheıdi. Sóıtip 2015 jyly Úndistanda tirkelgen Gınness rekordy jańarady, dep habarlaıdy QazAqparat tilshisi.
Astana qalasynyń 20 jyldyǵyna oraı Aqtóbeniń dárigerleri Gınness rekordyn jańartýdy qolǵa aldy. «Densaýlyq» saıabaǵyna barlyǵy 500 dáriger jınalyp, olar bir mezette qala turǵyndarynyń qan qysymyn ólsheýge daıyndalyp jatyr. Sóıtip, 1 saǵatta 4 myń adamnyń qan qysymyn ólsheý tapsyrmasy oryndaldy.
Uıymdastyrýshylardyń aıtýynsha, Gınness rekordyn jańartý úshin 18 jastan 60 jasqa deıingi adamdar aldyn ala shaqyryldy. Bul aktsııaǵa oblys ákimdigi jáne ákimdiktiń qurylymdyq bólimsheleri belsendi qatysty. Al oblystyq densaýlyq saqtaý basqarmasy álemdik Gınness rekordyn jańartý týraly ótinim berdi.
Aıta keteıik, qan qysymyn ólsheý rekordy 2015 jyly Úndistanda jasaldy. Olar bir saǵatta 3 600 adamnyń qan qysymyn ólshedi.
