Aqtóbelikter ınternet arqyly kólik pen páter satyp alýshylarǵa aldanyp qalýda
AQTÓBE. QazAqparat - Aqtóbede alaıaqtyqtyń jańa túri tirkeldi. Internetke páter, kólik satamyn dep habarlandyrý bergen aqtóbelikter esepshottaryndaǵy qarjysynan qaǵylyp jatyr, dep habarlaıdy QazAqparat tilshisi.
Aqtóbede Koleso.kz jáne Krisha.kz saıttaryna múlik satamyn dep jarnama bergen aqtóbelikter arasynda alaıaqtarǵa aldanyp qalǵandary bar. Alaıaqtar múlikti satyp alýshy retinde jarnama ıesine habarlasyp, aldyn-ala aqsha aýdarý úshin esepshotynyń nómirin, bank kartalarynyń qupııa kodtaryn aldap surap alyp, esepshottardy tonap ketken. Aqtóbe oblystyq ishki ister departamenti keıbir ınternet dúkenderdiń artynda da alaıaqtar otyrǵanyn eskertedi. Búginde osyndaı 30 derek belgili bolǵan.
«Jeke tulǵalardyń ınternet bankınginde tirkelgennen keıin jábirlenýshilerdiń nómirlerine bir rettik SMS parol joldanady. Ári qaraı eshnárseden kúdiktenbegen jábirlenýshiler osy qupııa kodty qylmyskerlerge óz erkimen usynyp otyrǵan. Qupııa kodqa kol jetkizgennen keıin qylmyskerler qarjy quraldaryn basqa kartochkalyq shottarǵa aýdaryp otyrǵan. Kóptegen azamattar ınternet jelisindegi nesıe alýǵa kómek berý týraly nemese ınternet dúkenderden taýar satyp alý jónindegi jalǵan habarlamalarǵa aldanyp, termınalmen, ıaǵnı, «Kıvı-ámııan» arqyly qarjy aýdaryp otyrǵan. Aqshany alǵannan keıin qylmyskerler buryn jarııalanǵan habarlandyrýdy joıyp jiberýmen aınalysqan. Osylaısha, azamattar tapsyrys berilgen taýarlaryn ala almaı jáne aqshasyn qaıtara almaı, alaıaqtardyń qurbanyna aınalǵan»,- dedi oblystyq ІІD-niń baspasóz hatshysy Nurgúl Qonaqbaeva.
Aıta keteıik, Aqtóbe oblysynyń Іshki ister departamenti kúmándi jaǵdaılar týyndaǵan kezde alaıaqtyqtan qutylý úshin klıentterdi qoldaý ortalyǵyna habarlasýdy nemese kartochkalyq shottardyń derbes derekterin eshkimge bermeýdi eskertedi.
