Aqtóbelikter dárigerlerge qymyz ben azyq-túlik jetkizip berdi

AQTÓBE. QazAqparat - Nur Otan partııasynyń oblystyq fılıaly koronavırýs, pnevmonııa ınfektsııasymen kúreste aldyńǵy shepte júrgen aq halattylarǵa qoldaý kórsetti. Búgin birneshe emdeý mekemesiniń qyzmetkerlerine ımmýnıtetti kóteretin taǵamdar men azyq-túlik jetkizildi, dep habarlaıdy QazAqparat tilshisi.⠀

Búgin birneshe medıtsınalyq emdeý mekemeleriniń qyzmetkerlerine ımmýnıtetti kóteretin taǵamdar men azyq-túlik jetkizildi.⠀

Aqtóbe qalasyndaǵy vırýsty pnevmonııaǵa shaldyqqan naýqastardy emdeıtin jeke aýrýhana osy aıda provızorlyq statsıonar boldy. Qazir ortalyqta 10-nan astam dáriger eńbek etedi. Olardyń ımmýnıtetin kóterý maqsatynda partııanyń oblystyq fılıaly 500 myń teńgeden astam qarjyǵa azyq-túlik alyp berdi.

«Óz ómirine qaýip tóngenine qaramaı, naýqastardy qutqarý úshin ter tógip júrgen aq halatty abzal jandardyń eńbegi eren. Dárigerlerge alǵys aıtyp, qoldaý jumystary uıymdastyrylýda. Tek judyryqtaı jumylǵanda ǵana bul qaterdi eńseremiz», - dedi partııanyń Aqtóbe oblystyq fılıaly tóraǵasynyń birinshi orynbasary Erbol Danaǵulov.

Aıta ketý kerek, buǵan deıin medıtsınalyq ortalyqqa medıtsınalyq qorǵanysh quraldary berilip, oblystyq klınıkalyq aýrýhananyń qyzmetkerlerine ystyq tamaq jetkizilgen bolatyn. «Jas Otan» jastar qanatynyń eriktileri medıtsına qyzmetkerleriniń ımmýnıtetin kóterý maqsatynda ulttyq taǵamdar taratyp, «Dárigerlerge myń alǵys!» aktsııasyna qatysty.

«Bizdiń volonterlar medıtsına qyzmetkerlerine qoldaý kórsetýdi jalǵastyrady. Osy aktsııa arqyly biz azamattarymyzdyń ómirine arasha túsip jatqan aq halatty jandarǵa meıirim kórsetkimiz keledi», - dep atap ótti «Jas Otan» JQ Aqtóbe oblystyq fılıalynyń keńesshisi Murat Mustafın.

Іndet kezinde oblystaǵy «Jas Otan» jastar qanatynyń eriktileri «Biz birgemiz» aktsııasy aıasynda 10 myńnan astam otbasyǵa azyq-túlik taratty.