Aqtóbelikter bir táýlikte 10 myń aǵash otyrǵyzdy
AQTÓBE. QazAqparat - Aqtóbedegi jalpy qalalyq senbilikte 10 myńnan astam kóshet otyrǵyzyldy, dep habarlaıdy QazAqparat oblys ákiminiń baspasóz qyzmetine silteme jasap.
Oblys ákimi Berdibek Saparbaev «Dostyq» saıabaǵynyń kógaldandyrý jumysyna qatysty. Onyń aýmaǵynda Qytaı, Túrkııa, Germanııa, Slovakııa, Reseı jáne basqa elderden kelgen 50 sheteldik kompanııanyń ujymy 1000-nan astam kóshet otyrǵyzǵan.
«Kún ótken saıyn Aqtóbe ádemilenip keledi. Memleket basshysynyń tapsyrmasyna sáıkes, ekologııany jaqsartý jáne qalany kógaldandyrý máselelerine erekshe kóńil bólinip, Aqtóbe turǵyndarynyń bos ýaqytyn ótkizý úshin qolaıly jaǵdaılar jasalýda. Tek sońǵy úsh jylda Aqtóbede 48 jańa saıabaq jáne alańdar ashyldy», - dedi oblys ákimi.
Ol sondaı-aq azamattardy oblys ortalyǵyn abattandyrý jáne kógaldandyrý isine belsene qatysýǵa shaqyrdy.
Senbilikke 8 myńnan astam adam jáne 100 tehnıka jumyldyryldy. Saıabaqtar, alańdar men kósheler tazartyldy. Qoqys alańyna 70 tonna qoqys aparyldy. 10 myń kóshet (tal, qaraǵaı, aqqaıyń, terek, alma) jáne 500 buta otyrǵyzyldy.
Tabıǵat jáne tabıǵat resýrstaryn paıdalaný basqarmasynyń málimetinshe, osy jyldyń kúzinde Aqtóbe oblysynda 40 myńnan astam aǵash otyrǵyzylady.
