Aqtóbelikter bashqurt fýtbolshylarymen joldastyq kezdesý ótkizedi
ALMATY. 25 aqpan. QazAqparat - Túrkııada oqý-jattyǵý jıynyn ótkizip jatqan "Aqtóbe" men "Gornıak" fýtbol komandalary 28 aqpanda joldastyq kezdesý ótkizbek.
Bashqurtstannyń Ýchaly qalasynyń "Gornıak" komandasy qazir Reseı chempıonatynyń ekinshi dıvızıonynda "Oral-Povolje" aımaǵynda 5-orynda kele jatyr.
Vladımır Mýhanov jattyqtyratyn aqtóbelikter buǵan deıin 23 aqpanda Belorýs eliniń "Gomel" komandasyn 3:0 esebimen oısyrata utqan bolatyn. Endi 3 naýryzda Zaporoje qalasynyń "Metallýrg" komandasymen kúsh synaspaq. 2010/11 jyldary Birinshi lıgada top jarǵan zaporojelikter 2011/12 jylǵy jańa maýsymdy Sergeı Zaıtsevtiń bapkerligimen Ýkraına Premer-lıgasynda ótkizýde.
Jalpy "Aqtóbe" fýtbol klýbynyń bul oqý-jattyǵý jıyny 20 aqpanda bastalǵan bolatyn. Ol 4 naýryzǵa deıin sozylmaq.
