Aqtóbelikter Azıada oıyndarynyń alaýyn qarsy aldy
ÓBE. 19 qańtar. QazAqparat /Samal Endibaeva/ - Seısenbi kúni keshke Oral qalasynan Aqtóbege 7-Qysqy Azııa oıyndarynyń alaýy jetkizildi.
Aqtóbe halyqaralyq áýejaıynda osyǵan oraı saltanatty shara ótti.
Áýejaıda delegatsııany qala ákimi Arhımed Muhambetov, oblys ákiminiń orynbasary Sara Nurqatova, oblystyq týrızm, dene shynyqtyrý jáne sport basqarmasynyń bastyǵy Asylbek Qulmaǵambetov, «Qazaqstannyń halyq banki» AQ fılıalynyń dırektory Alaýjan Tólegenova, sondaı-aq tanymal azamattar, sportshylar, stýdentter kútip aldy.
Alaý jetkizilgennen keıin áýejaıda baspasóz máslıhaty ótti. Brıfıngti óz sózimen ashqan ákim Arhımed Muhambetov, osynaý aıtýly oqıǵany aqtóbelikterdiń asyǵa kútkenin, qalanyń Alaý estafetasyna daıyn ekenin atap kórsetti. Odan keıin Alaý estafetasy dırektsııa basshysynyń orynbasary Sársen Quranbek sharany uıymdastyrýshylardyń aldynda turǵan mindetter týraly, Olımpıadalyq alaýdyń tarıhy jaıly áńgimelep berdi. Brıfıngten keıin Azıala alaýy polıtsııanyń kúzetimen Halyq bankiniń fılıalyna saqtaýǵa jetkizildi.
Alaý estafetasy búgin saǵat 12.00-de oblystyq ákimdiktiń aldyndaǵy alańda bastalyp, Tuńǵysh Prezıdent atyndaǵy saıabaqta aıaqtalady.
