Aqtóbelikter Astana turǵyndaryna óz ónimderin usyndy
ASTANA. QazAqparat - Aqtóbe oblysy elordaǵa aýylsharýashylyq ónimderi tıelgen kólik kerýenin jiberdi, dep habarlaıdy QazAqparat tilshisi.Elordamyz Astananyń 20 jyldyǵyn toılaý aıasynda Aqtóbe oblysy taýar óndirýshileriniń jármeńkesi bolyp ótti.
Jármeńkege Aqtóbe men oblystyń 12 aýdanynan 20-dan astam aýylsharýashylyq taýarlaryn óndirýshiler men óńdeýshi kásiporyndar qatysty.
Elorda turǵyndary men qonaqtaryna 62 tonna et, 85 tonna kartop jáne kókónis, 10 tonna sút ónimderi, 5 tonna ósimdik maıy, 3 myń tonna balyq, jarty tonna bal, jarty tonna shujyq ónimderi usynyldy. Taýarlardyń baǵalary Astana bazarlarynan 10-15% tómen. Ónimniń jalpy kólemi 200 tonnadan asty.
Shara Aqtóbe oblysynyń ártisteri, ánshileri men bı ujymdary daıyndaǵan kontserttik baǵdarlamamen súıemeldendi.
