Aqtóbelikter 1920 jylǵy qarý men jarylǵysh zatty polıtsııaǵa tapsyrdy
AQTÓBE. QazAqparat - Aqtóbelik turǵyn Keńes Odaǵy kezinde shyǵarylǵan «Frolovka 28» qarýyn polıtsııaǵa tapsyrdy. Sonymen qatar, aýladan tabylǵan jarylǵysh zat joıyldy, dep habarlaıdy QazAqparat tilshisi.
Aqtóbede qarý satyp alý aktsııasy ótti. Qarýdy zańsyz saqtap otyrǵandar 10 sáýir men 30 mamyr aralyǵynda ony tapsyryp, syıaqy alý múmkindigine ıe boldy. Barlyǵy 119 qarý satyp alyndy. Sonymen qatar, 1400-den astam oq-dári tapsyryldy.
«Aqtóbelik turǵyn 82 mm bolatyn jarylǵysh zatty tapsyrdy. Ol ony óz aýlasynan taýyp alǵan. Al taǵy bir turǵyn «Frolovka 28» qarýyn ótkizdi. Qarý Keńes Odaǵy kezinde, 1920 jyly shyǵarylǵan. Óte eski ári jaramsyz kúıge túsken. Negizi bul qarý 1891 jyly Týlskıı qarý-jaraq zaýytynda shyǵarylǵan. Turǵyndar zańsyz saqtap otyrǵan qarýyn óz erkimen tapsyrsa, barlyǵy qylmystyq jaýapkershilikten bosatylady»,-dep habarlady oblystyq ІІD baspasóz qyzmeti.
