Aqtóbelikter 10 myń teńgeden aqsha jınap, tasjol tósep aldy
AQTÓBE. QazAqparat - Aqtóbede qalasyndaǵy Zarechnyı-4 eldi mekeniniń turǵyndary 10 myń teńgeden aqsha jınady. Olar jol jóndeý kezinde qyrylǵan eski asfaltty Jıembet jyraý kóshesine tósedi, dep habarlaıdy QazAqparat tilshisi.
Aqtóbe qalasynda 5 aýyldyq okrýg bar. Qalalyq ákimdik jyl saıyn ár aýyldyq okrýgtiń 1-2 kóshesin jóndeýge qarjy bóledi. Bıyl oblys ortalyǵynda 5 jol salynyp, 17 jol kúrdeli, 10 jol ortasha jóndeýden ótti. Barlyǵy 28,9 shaqyrym jol jóndeldi. Qazirgi kezde qar jaýyp, barlyq jumys toqtatyldy. Alaıda turǵyndar jol jóndeý jumystary kezinde óz kúshine ǵana sengen.
«Kóktem men kúzde balshyq bolady. Jazda jańbyr jaýsa, aıaǵymyzdy attap basa almaımyz. Sondyqtan birigip, jol salý jaıyn oılastyrdyq. Aldymen ákimdikten joldyń qashan salynatynyn suradyq. Biraq naqty jospar joq. Al biz ózge kóshedegi jóndeý kezinde qyrylǵan eski asfaltty satyp alyp, sony tósep aldyq. Bar bolǵany 200 metrge jetti. Ár úı 10 myń teńgeden aqsha jınady»,- dedi aýyl turǵyny Nurlan Barbolsynov.
Aqtóbe qalasyndaǵy eldi meken turǵyndarynyń bul sheshimin ákimdik bilip otyr. Qalalyq jolaýshylar kóligi jáne avtomobıl joldary bóliminiń basshysy Rýslan Tóreǵalıdiń aıtýynsha, jospar boıynsha Jıembet jyraý kóshesi 2018 jyly jóndeledi. «Jóndeý jumystaryn júrgizetinin habarlaǵan kezde biz tehnıka berip, kómek kórseter edik»,- dedi ol. Al Zarechnyı-4 eldi mekenine jaýapty Qarǵaly aýyldyq okrýgi eshqandaı kómek kórsete almaıtynyn ashyq aıtty.
«Zarechnyı-4 eldi mekeni Qarǵaly aýyldyq okrýgine qaraıdy. Okrýgte 21 kóshe bar. Onyń bárine tasjol tóseý múmkin emes. Bıyl 11 kóshege qıyrshyq tas tóseý, 11 kósheni jaryqtandyrý jumysy júrip jatyr. Qys túskende barlyq kóshelerdi qyryp, tegisteý josparlandy. Biz Aqtóbe qalasy ákimdiginen arnaıy kólik suratyp otyrmyz. Sebebi, bizde mundaı arnaıy tehnıka joq, eger bolsa bárin tegistep, qalpyna keltirip qoıar edik»,- dedi Aqtóbe qalasy, Qarǵaly aýyldyq okrýgi ákimdiginiń bas mamany Dastan Ájibaev.
Jıtelı projıvaıýşıe v p.Zarechnyı-4 neodnokratno obraşalıs v akımat g.Aktobe po voprosý blagoýstroıstva ýlıtsy Jıenbet jyraý p.Zarechnyı-4. Odnako otveta na svoe neodnokratnoe obraşenıe tak ı polýchılı. Na segodnıashnıı den jıltsy svoımı sılamı delaıýt dorogý v p.Zarechnyı-4 po ýl. Jıenbet jyraý. Kýda je smotrıt rýkovodstvo akımata.
